John McDonald

Living in Edinburgh, Scotland
http://zenspeug.blogspot.com

 

the grue                                     
o tyin a snuid  -
granny's arthritis
 
 
the horror
of tying a ribbon  -
grandmother's arthritis
 
Taj Mahal Review  vol. no 2

 

scuil fecht  -
snowkin bluid frae'm
neist day
 
 
school fight  -
smelling blood from him
next day
 
Zen Speug 2014

 

auld sodger stravaigs
...his bleck backpack
o sheddaes
 
 
old soldier wanders
...his black backpack
of shadows
 
Zen Speug 2014

 

wund throuch
the refugee camp  -
orchestrae o banes
 
 
wind through
the refugee camp  -
orchestra of bones
 
Zen Speug 2014

 

throuch fawin leaves
a lang-tint neb
assemmles
 
 
through falling leaves
a long-lost face
assembles
 
Zen Speug 2014
 

 

parteecularities
o the burn  -
jazz tae himenal
 
 
vagaries
of the stream  -
jazz to hymnal
 
Zen Speug 2014

 

twa staps
in'r zimmer
...yince queen o the jive
 
 
 
two steps
in her zimmer
...once queen of the jive
 
A Hundred Gourds 3.4

 

sheddaes:
calligraphy o cheer-legs
throuch's preachin
 
 
shadows:
calligraphy of chair-legs
during his sermon
 
Zen Speug 2014

 

addict  -
cuddlin the rose
bleedin frae the breer
 
 
addict  -
hugging the rose
bleeding from the thorn
 
Zen Speug 2014

 

her auld dug's deid  -
ilka day
she stravaigs its ghaist
 
 
her old dog is dead  -
every day 
she walks its ghost
 
Zen Speug 2014

 

late-nicht drouthie
fleetchin
it's latch
 
 
late-night drunk
begging
at his keyhole

Zen Speug 2014

 

fykie bairn
ye hae nivver seen
hungert een
or bouks licht as licht
 
 
fussy child
you've never seen
hungry eyes
or bodies light as light
 
Harvests Of New Millenium  vol 8 no 1

 

butterie
yin flutherin
page...
 
 
butterfly
one fluttering
page...
 
Harvests Of New Millenium  vol 8 no 1

 

mappie's neb etten
...a hinmaist muin
in tod's ee
  
 
rabbit's face eaten
...a last moon
in fox's eye                                                        
 
Wonder haiku worlds  anthology #1

 

flee tissles i the wab  -
be thankit fir a skirlin
we cannae hear
 
 
fly struggles in the web  -
be thankful  for a screaming
we can't hear                                                             
 
The humours of haiku  (iron press)

 

alang wi voar
her herr
growein back agane
 
 
along with spring
her hair 
growing back again                                                   
  
Taj Mahal Review vol 13 no. 1
 

 

Bethlehem bairns
daff at bools
glowert at throuch corsherrs
 
 
 
Bethlehem children
play at marbles
watched through crosshairs                                            
 
A hundred gourds 1-3  2013

 

cadger an's dug  -
his dowie sang
follaes me hame
 
 
 
beggar and his dog  -
his sad song
follows me home                                                                 
 
Harvest moon (shomlo pub.Iran)

 

dischairged sodger
stravaigs the causeys
stappin anely on the crecks
     
 
 
discharged soldier
wanders the streets
stepping only on the cracks                                                 
 
A world rediscovered (cyberwit) 

 

sica lang weir...
her herr
a'ready in pleats
 
 
 
such a long war...
her hair
already in pigtails                                                            
 
Taj Mahal Review vol 13 no.1

 

on the pianny
a vause o daffins
...skimmerin Chopin
 
 
 
on the piano
a vase of daffodils
...shimmering Chopin                                                        
 
Mainichi daily news     

 

in the winnock
an attercap's wab
...he hauds up her lung x-ray
 
 
 
in the window
a spider's web
...he holds up her lung x-ray                                        
  
Taj Mahal Review vol 13 no.1

 

voar  -
throuch grey vennels
a red bike
 
 
 
spring  -
through grey streets
a red bicycle          
                                                             
Zen speug 

 

proggin fir the douceness:
the humminburd
...the luvers
 
 
 
 
probing for the sweetness:
the hummingbird
...the lovers                                                             
  
 Harvests of new millenium vol4 no.1

 

bairgin
wi a bygaun thocht
butterie
 
 
 
colliding
with a passing thought
butterfly                                                                                    
  
Zen  speug

 

tirran's smirk  -
glent
o pikit weer
 
 
 
tyrant's smile  -
glint
of barbed wire                                                     
 
Harvests of new millenium vol3 no.1

 

'plowp'
o a drapt stane
..whaur the makar gaed unner
 
 
 
'plop'
of a dropped stone
...where the poet went under                               
 
 
Harvests of new millenium vol5 no.1

 

doos on the ruiflicht
me
thair unnerwatter bogle
 
 
 
pigeons on the rooflight
I
their underwater monster                                            
 
 Zen speug

 

snell wund  -

throuch the causeys

a joogler jooglin gullies

 

 

bitter wind  -

through the streets

a juggler juggling knives                                        

 

Fume O Peat Reek (Hub Editions)

 

sundoon  -

she rugs a reid threid

throuch her flooerin

 

 

sunset  -

she draws a red thread

through her embroidery                                          

 

Fume O Peat Reek (Hub Editions)

 

aw day

the yin butterie

fouin the gairden

 

 

all day

the one butterfly

filling the garden                                                      

 

Fume O Peat Reek (Hub Editions)

 

hauf-tyme baund  -

yin chiel sheds himsel

wi a cymbal

 

 

half-time band  -

one musician shades himself

with a cymbal                                                                

 

Tuin Tin Tassie (Hub Editions) 

 

ower tottie

tae win tae thair chapper

he daffs alane

 

 

too tiny

to reach their doorbell

he plays alone                                                            

 

Tuim Tin Tassie  (Hub Editions)

 

yill bottle taps skailt  -

he hunkers

refleckin on the Galaxy

 

 

 

beer bottle tops scattered  -

he sits

musing on the Galaxy                                              

 

The Throu-Gaun Chiel (cyberwit)

 

in a seelent vennel

a maw skirls

swallaein the jeelin wund

 

 

in a silent alley

a gull screams

swallowing the icy wind                                          

 

The Throu-Gaun Chiel (cyberwit)

 

coortin kipple

a coffee atween thaim  -

stame heavin

 

 

young lovers

a coffee between them  -

steam rising                                                              

 

The Throu-Gaun Chiel (cyberwit)

 

freesty mornin  -

oot frae a jaur

the rizzard lavender's blae braith

 

 

frosty morning  -

out from a jar

the dried lavender's blue breath                              

 

The Throu-Gaun Chiel (cyberwit)

 

anither yirdin  -

sin blinters on the spaiks

o a birlin trinnle

 

 

 

another funeral  -

sun glitters on the spokes

of a turning wheel                                                      

 

The Throu-Gaun Chiel (cyberwit)

 

i the bombed kirk

a bairn

...skailt chalice

 

 

in the bombed church

a child

...spilt chalice                                                                          

 

zenspeug

 

 

awthing

rowed in sinlicht  -

naethin unforgien

 

 

everything

wrapped in sunlight  -

nothing unforgiven                                                            

 

Sommergras Sept 2012

 

bairn doverin

in a sinblink:

hapt in licht years

 

 

baby asleep 

in a sunbeam:

wrapped in light years                                                      

 

Taj Mahal Review vol12 no2

 

wi's razzor

he pynts tae the fou muin  -

his sowpied neb

 

 

with his razor

he points to the full moon  -

his lathered face                                                                

 

Taj Mahal Review vol 9 no. 2

 

immigration:

the bairn's derk fingers

kinchin's mither's herr

 

 

immigration:

the child's dark fingers                                                                 

knotting his mother's hair                                                            

 

Kamesan's World haiku anthology 

 

monks

cleedit in fite

pensefu caunles

 

                                                                                 Taj Mahal Review vol 10  no  2

 

monks

dressed in white

wistful candles

 

roon the wa's

faimilie photies

takkin tent o's deein

                                                                                   Taj Mahal Review vol 12 no 2

 

round the walls

family photographs

watching him die

 

 

fou muin  -

on the cunyie

a hooer's paewae neb

 

                                                                                      Taj Mahal Review vol 12 no 2

 

full moon  -

on the corner

a prostitute's pale face

 

 

sterns

cuilin aff

i the het bowie

 

                                                                                     Taj Mahal Review vol 12 no 2

 

stars

cooling off

in the hot tub

 

linn  -

throuch a pearl's rouk

the bodach skews

 

                                                                                   Taj Mahal Review vol 10 no 1

 

waterfall  -

through a cataract's mist

the old man squints

 

 

 

dementia  -

he hunkers i the mids

o a skailt jeegsaw

                                                                                     Taj Mahal Review vol 8 no 2

 

dementia  -

he sits in the midst

of a scattered  jigsaw

 

waddin day  -

a butterie fidderin

throuch thair sheddaes' herts

 

 

                                                                                      Taj Mahal Review vol 9 no 2

 

wedding day  -

a butterfly fluttering

through their shadows' hearts

 

midnicht express

pewlin

...teuk a fere tae heiven

 

                                                                                    Taj Mahal Review vol 11 no 1

 

midnight express  -

wailing

...took a friend to heaven

 

 

 

oor luvin...

mellin wi burdsang

at keek-o-day

 

                                                                           Taj Mahal Review vol 11 no 1

 

our loving...

mixing

with the dawn chorus

 

hoaspice veesitin oor  -

agane

the wappin beds

 

                                                                       Harvests of new millenium vol 3 no 1

hospice visiting hour  -

again

the enormous beds

 

echain

throuch the cosmos:

brattles shentin us

 

                                                                       Harvest of New Millenium vol 12 no1

 

echoing

through the cosmos:

gunfire shaming us

 

trauchlin hame  -

derk muins o's crummock

i the snaw

 

                                                                     Harvests of New Millenium vol l5 no 1

 

trudging home  -

dark moons of his walking stick 

in the snow

 

perishin kirk  -

frae the meenister's mou

ghaists o Yules bygane

 

                                                                             Harvest of New Millenium vol 6 no1

 

freezing church  -

from the minister's mouth

ghosts of Christmasses past

 

it sterts tae snaw  -

the blin musicianer

leuks upwarts

 

                                                                            Harvests of New Millenium vol 2 no 1

 

it starts to snow  -

the blind musician

looks upwards

 

the bairn

bletherin tae me  -

brawer nor wurds

 

                                                                             Harvest of New Millenium vo 6 no1

 

the baby

chatting to me  -

better than words

 

dementia

tentie o the butterie

...skeerie lik  

 

 

dementia

he watches the butterfly

...fearfully

*

 

 

voar ferr  -

pipes seelent

weet paradeedles

 

 

spring fair  -

bagpipes silent

rain paradiddles

*

 

anither bluid test

...traipsin the lang reid rod

o hairst



another blood test

...trudging the long red road

of autumn

*

 

furst burthday  -

balloons,gulshichs,

an time's smirkin mou

 

 

first birthday  -

balloons,cakes,

and time's grinning maw

*

 

Donegal mornin  -

yin lum

reekless

 

Donegal morning  -

one chimney

smokeless

(for Seamus Heaney)

*

 

the stag

gralloched  -

its croun o jaggies

 

 

the stag

hung to bleed  -

its crown of thorns

*

 

 

swaws rattlin  -

spairge

o brucken wattergaws

 

 

waves crashing  -

spray

of broken rainbows

*

 

maws fecht ower the bucket

...hameless

he squerrs's shouthers

 

 

gulls fight over the dustbin

...homeless

he squares his shoulders

*

 

wab

fingerprentin

the harr



web

fingerprinting

the mist

*

 

stour o's shock

ower  -

a stilt yirdin'm

 



storm of his stroke

over  -

a crutch earthing him

*

 

oot frae's mools

ugsome thrissels:

mools o the torterer

 



out from his grave

horrendous thistles:

grave of the torturer

*

 

autistic laddie

faw'n ower

cartoons jig on's neb

 



autistic boy

fallen asleep

cartoons dance on his face

*

 

brod set

wytein the veesitors

e'en the speens hearkenin

 



table set

awaiting the visitors

even the spoons listening

*

 

the bodach

hirples alang  -

bonnie kirstals growe in's bluid

 



the old man

hobbles along  -

beautiful crystals grow in his blood

*

 

auld freen  -

oxterin'm

oor banes bairge


 

old friend  -

embracing him

our bones collide

*

 

 

 

she wins awa...

brakkin the threids

o a wab

 

she leaves...

breaking the threads

of a web

*

 

a scrieve hame

desert stoor

slairt

 

a letter home

desert dust

smudging

*

 

 

wund amang the sprots

the cailleach

tellin'r beads

 

wind among the reeds -

the old lady

telling her beads

*

 

 

festival's en -

a lane pipie stauns

sax inch frae the muin

 

festival's end -

a lone piper stands

six inches from the moon

*

 

 

nicht soonds

fauldit inby

the auld saxyphone

 

night sounds

at rest inside

the old saxophone

*

 

peat lowe -

we hunker, threy glowein nebs

goavin at a fowert

 

peat fire -

we sit, three glowing faces

gazing at a fourth

*

 

 

potter's hauns

wrochtin the tuimness

o's blae joogs

 

potter's hands

shaping the emptiness

of his blue jugs

*

 

 

blowster -

'guid mornin' smirk

blawn awa

 

Gale -

'good morning' smile

blown away

*

 

 

the muezzin crys -

awbody taks on

the set o incaain

 

the muezzin calls -

everybody assumes

the shape of prayer

*

 

 

dryin nets -

maws drift athort

... a slaw gemme o chess

 

drying nets -

gulls drift across

... a slow game of chess

*

 

 

lang vaig -

she wyyves the miles intae

a granbairn's shawlie

 

long journey -

she crochets the miles into

a grandchild's shawl

*

 

 

the auld scuil steekit -

anely the bummers

murmellin a lesson

 

the old school closed -

only the bees

murmuring a lesson

*

 

tick tock...

the bombed bairn

pendles on's stilts

 

tick tock...

the bombed child

pendulums on his crutches

*

 

armistice day -

the reid maple

liggs its wreath

 

armistice day -

the red maple

lays its wreath

*

 

swans gaither

...bit the day the bodach

maits the wirms

 

swans gather

...but today the old man

feeds the worms

*